Xuraman Şuşalı ilə Tolik işbirliyi qurdular Özünü hər zaman bir nömrəli prodüser hesab edən Tolik sözün düzü, elə şou-biznesdə bir nömrəli müğənnilərlə də işbirliyi qurub. Bir müddət Aygün və Röya ilə çalışdıqdan sonra aralarında narazılıq yarandı. Tədbirlərin birində onu müğənni Xuraman Şuşalı ilə birgə gördük. Ondan Xuramanla iş birliyinin olub-olmaması haqda maraqlandıq "hələ ki, işbirliyimiz yoxdur, sadəcə Xuramanla dostam, ona görə də onunla bir yerdəyəm. Amma Xuraman mənə işbirliyi təklif etsə, qəbul edərəm. Eyni zamanda, yaxşı pul verirsə niyə də onunla işləməyim?" deyə Tolik suallarımızı cavablandırdı. Onu da xatırladaq ki, Tolikin bir-iki il bundan əvvəl Xuramanla da qalmaqalı çıxmışdı. Bir-birinin ünavanına olmazın sözlərini deyən tərəflər deyəsən indi bir yerdə çalışmalı olacaqlar. Buna isə Tolik "vaxtilə Xuramanla davamız olsa da indi barışmışıq" deyə münasibət bildirdi. Xuramanın mövqeyini öyrənmək üçün onunla əlaqə saxladıq. Suallarımızı onun mətbuat katibi Cavanşir cavablandırdı. O bildirdi ki, Tolikə Xuraman tərəfindən işbirliyi təklif olunub, hazırda işə başlamasalar da, bir nesə layihə var ki, onlar müzakirə olunur.
